agtarmak

işlik

1) Birini ýa-da bir zady tapmak üçin gözlemek; döwüşdirmek, sermeşdirmek.

∙ Agtaran-tapar diýipdirler. (G. Muhtarow, G. Seýitliýew, Bagbanyň Gyzy)

∙ Ol şol azajyk wagty hem halk peýdasy üçin ulanmak çäresini agtarýardy. (B. Kerbabaýew, Aýgytly ädim)

2) Bir zadyň üstüni açmak üçin barlag geçirmek.

∙ Arheologlar munuň ýaly gorganlaryň köpüsini gazyp agtardylar. (Gadymy Dünýä Taryhy)

∙ Batyrgaý tejribäň şowly bolsun! Agtarsaň-taparsyň! (N. Jumaýew, Ak Derek)

◊ köne saman agtarmak — Könäni gozgamak, bir wagt bolup geçen gürrüňi gozgamak, ölçermek.